Os Micolectores! Este é o nome do club de lectura formado por un grupo de alumnos e alumnas de sexto, que se reune cada mércores na biblioteca, despois de xantar.
Aí tedes o seu primeiro libro lido, O paso do esquecemento, de Antón Riveiro Coello, que nos deu a coñecer a chegada dos romanos a Galicia e a lenda do río Limia. Tamén está o cartel con ilustracións que elaboraron a partir da lectura.
Agora mesmo están lendo un libro de poemas titulado Domingo de pipiritingo, de María Jesús Jabato e que tamén fala da perda da memoria.
Despois da lectura dos poemas animáronse a escribir algo relacionado co tema e isto foi o que saiu.ENTRA E LE.
E este será o próximo libro que leamos.
A protagonista deste libro é unha nena de dez anos chamada Nassima, que vive en Afganistán, país que está baixo o
mandato dos talibáns. Dende a súa chegada todo se complica xa que se
prohíben moitas cousas. É entón cando Said, o pai de Nassima, decide
que deben abandonar o país por se lles pasa algo malo a Nassima e á súa muller Nadia. Viaxarán no medio dunhas alfombras para non ser
descubertos durante a viaxe.
Ademáis,
Nassima e o seu amigo Mohamed non queren separarse...
Pero non contamos máis, hai que lelo á volta das vacacións de Nadal!
