COÑECEMOS O TRABALLO DOS ARQUEÓLOGOS

Esta mañá achegámonos ata Doade, para ver as escavacións que se están a facer no castro do mesmo nome. Foi moi interesante ver con que paciencia teñen que traballar os arqueólogos/as.
 

castro doade - Kizoa Editar Videos - Movie Maker

PREMIOS

premios - Kizoa Editar Videos - Movie Maker

Hoxe pola mañá, reunímonos todos na biblioteca para entregar os agasallos aos axudantes de biblioteca que durante todo o ano colaboraron atendendo aos máis pequenos.
Tamén entregamos os premios aos cinco alumnos máis lectores.

REMATAMOS O OBRADOIRO DE POESÍA

Rematamos o obradoiro de poesía e fixemos un pequeno caderno como lembranza.

ORDOÑO II E ARAGONTA

O alumnado de terceiro e cuarto realizou unha investigación sobre o reino de Galicia e, froito dela, naceu un libriño que lles  quedará de lembranza.
E para rematar o traballo, realizaron unha sesión de fotos, no mesmo pazo de Ordoño II, en León!

ordoño e aragonta - Kizoa Editar Videos - Movie Maker
No ano 922 o rei de Galiza e León, Ordoño II, casou con Aragonta Betotiz Eiriz, filla dos condes de Deza. 
Nós tivemos a sorte de acudir ao seu casamento e aquí tedes as fotos!
 

RECORDANDO A WILY DE BOTOS

A irmá de Wily tróuxenos debuxos  de Wily e máis  un cadro. Con eles e coa escultura que dende o curso pasado nos acompaña na biblioteca, creamos un recanto no corredor para que o alumnado coñeza un pouquiño máis a súa obra e recordalo, de paso, no décimo aniversario da súa morte. De seguro que a  Wily  lle gustaria estar entre os rapaces e rapazas deste colexio!

 

CELEBRANDO AS LETRAS GALEGAS

Pola tarde, na biblioteca, recitamos a Manuel María, o poeta da Terra Chá homenaxeado este ano polo Día das Letras Galegas.

Manuel Maria - Kizoa Editar Videos - Movie Maker

COÑECER A MANUEL MARÍA

Música, poemas, contos..., a casa de manuel María en Outeiro de Rei...

 Este ano o día das Letras Galegas está dedicado a Manuel María. Para comezar a a coñecelo un pouquiño  aí están as actividades reunidas pola Coordinadora Galega de ENDL. ACTIVIDADES

MES DE ABRIL, MES DOS LIBROS

Este foi un mes cargado de actividades: sesións de animación lectora

              obradoiro de poesía

 

actividades sobre a figura de Cervantes e o Quixote

actividades sobre o libro preferido en infantil

investigación sobre os reis de Galicia

Charla de Daniel González Alén, coautor do libro A comarca do Deza,sobre a historia da nosa comarca.

DÍA DA PAZ. CONTOS E VISITA SAHARAHUI

Realizamos sesións de contacontos , unha para infantil e os dous primeiros ciclos de primaria e outra para os demais cursos.

Tamén recibimos a visita de Kudús, un  mozo saharahui que nos contou como viven nos campamentos de refuxiados.
Acudiron á charla un grupo de nais.

A LANTERNA MÁXICA

Ese é o nome do club de cine que imos facer este curso cos rapaces e rapazas de quinto e sexto. E este é o cartel tan bonito que fixeron as rapazas.

Gústanos moito!

 A primeira película que imos ver e Generación robada, Phillip Noyce.

MOCHILAS VIAXEIRAS 2016!

En xaneiro, chegan as mochilas viaxeiras, desexosas de coñecer as casas dos rapaces e de ser compartidas en familia. A gozar!

mochilas - Kizoa Movie Maker

A CARTA DO APALPADOR PREMIADA!

Onte foi día de sorpresas e boas noticias! A carta que escribiron os nenos e nenas de infantil foi premiada nun concurso organizado pola Deputación de Lugo. 
Como os nenos lle pedían na carta xoguetes de madeira, o Apalpador envioulles quebracabezas en forma de castañas, unha corda para aprender a saltar e un xogo do Xabarín para aprender a escribir! Que sorte!

preimo apalpador - Kizoa Movie Maker

A VISITA DOS CACHARELOS

Onte tivemos unha visita moi agradable: a dos cacharelos. Entraron na biblioteca facendo soar as chocas e con toxos na man pra picar no cu aos que non se disfrazan no antroido. 
Ao final quitaron as máscaras e ensináronolas e explicáronnos o significado das cores da vestimenta que usan.Velaí tedes a visita en fotos!
 

cacharelos - Kizoa Movie Maker

ENTROIDO

Sabíades que os personaxes do entroido de Lalín chámanse  cacharelos?  Están inspirados no cadro titulado O Mascarón,  de Laxeiro. Aquí os tedes!

Estes outros son os xenerais de Bandeira.

Con estes libros lim sobre o entroido, elaborados por compañeiros doutros colexios, coñeceremos os personaxes do entroido galego. cacharelos, boteiros, xenerais, irrios... e moitos máis!
ENTRA .ENTRA. ENTRA.

DÍA DA PAZ

Para celebrar o Día da Paz, faremos sesión de contacontos. En infantil, primeiro e segundo leremos Maruxa  e Eduardo, o neno máis terrible do mundo.

En terceiro, cuarto quinto e sexto leremos Cuerdas e veremos a curta.

Despois de cada sesión haberá actividades de grupo relacionadas coa lectura.
Tamén haberá unha charla impartida por un saharahui para falarnos da difícil situación  que lles toca  vivir e realizaremos unha carreira solidaria para recadar fondos destinados a traer nenos saharahuis de vacacións a nosa comarca.

MÁIS NOVIDADES

Algunhas novidades están xa no expositor da biblioteca. son as novidades de xaneiro.

 

LIBROS PARA O NADAL

Outro ano máis celebramos  o mercadiño de libros" Libros para o Nadal", con exemplares de segunda man procedentes do expurgo da biblioteca e de doazóns de pais  de alumnos  e profesores do colexio.
Cos cartos obtidos mercaremos novos libros e novas películas!

nadal 2015 - Kizoa Movie Maker